Friday, September 14, 2012

From the second volume of 'Ghalib ke Khatoot'

The letters at the beginning of this volume are addressed to Mir Mahdi Majrooh.

The first lettاer:


 Aaaj ek shanbe ka din, saatvi farvari aur shaayad baaeeswee jamaadi al saani ki hai. do pahar ke waqt sheikh musharraf ali , rahnewaale ustaad haamid ke kooche ke. mere paas aaye aur unhone tumhaara khat, likhaa huaa padrah jamaadi al saani ka diya. daak ka khat hargiz mujh tak nahin pahuncha aur na main shahar se kahin gaya. jahaan rahta thaa wahin hoon. khuda jaane woh khat masradd kyon hua. bhala ye hosaktaa hain ke tumhaara khat aave aur main pherdoon? Aagre aur alwar au kol se baraabar khat chale aate hain.
tumhaari waaldah ka marna sun kar mujh ko bada gham hua. khua tum ko sabar de. aur us afeef ko bakshe. mera haqiqi bhai mirza yusu khan  deewana bhi mar gaya...
nasr kya likhoonga  aur nazm kya kahoonga. woh nasr jo tum dekh gaye  ho waho do chaar waray aur bhi syaah kiye gaye hain. bhejna mumkin nahin jab aaoge  aur mujh ko jeeta paaoge  toh dekh lo ge.

And he signs off as Ghalib.

The second letter from the second volume of letters written on 21 April 1858:

do khat tumhaare ba sabeel-e-daak aaye. kal do pahar dhale ek saahab ajnabee  saawle salone dhaadhi mande badi badi aankhonwaale tashreef laaye. tumhara khat diya.  sirf unki mulaqaat ki taqreeb main thaa. baare un se ism shareef poochcha gaya. farmaaya: "ashraf ali."qaumiyat ka istafasaar hua. maaloom hua sayyad hain. pesha poochcha. hakim nikle. yaani, hakim mir ashraf ali. main un se mil kar bahut khush hua.

The fourth letter written on 4 August 1858:

khoobi deen o duniya rozi baad. mir ashraf ali sahab ne tumhaara khta diya.  woh jo tum ne likha thaa ke 'tera khat mere naam ka mere hamnaam ke haath ja pada'. saahab! qasoor tumhaara hai. kyon aise shahar main rehte ho jahaan doosra mir mahdi bhi ho? mukh ko dekho ke main kab se dilli main rehta hoon. na koi apna hamnaam hone diya, na apna koi hamurf ban ne diya na apna ham taqallus baham pahunchaaya. faqat.

pensen ki soorat ye hai ki kotwaal se kaifiyat talab huee. us ne acchchi likhi. kal hafte ka din. saatwee agast ki. mujh ko Egerton saahab bahadur ne bulaya. kuchch sahal sawaal mujh se kiye. ab aisa maaloom hota hai ke tankhwaah mile aur jald mile. taraddud agar hai toh is main hai ke pandrah maheena pichchle bhi milte hain yaa sirf aayenda ko muqarrar hoti hai.

 

No comments:

Loving Vincent -- oil paintings for animation film

It is an animation film with a difference. It is European and not American, read not Disney. And it is a far cry from CGI (computer generat...